噚日就係母親節，長腳蟹呂慧儀就係第一年以母親身份過母親節，佢就喺facebook貼咗張鍚鍚蟹籽嘅相，佢話：「與蟹籽過的第一個母親節，謝謝讓我當主角！媽咪愛你！各位母親們母親節快樂！」蟹籽o依家9個月大，同媽咪長腳蟹都一樣咁精靈。

但講到似樣，以下呢兩pair，真係90%match，直頭好似同一個模copy出嚟咁，噚日Coffee(林芊妤)喺fabook貼咗張同媽媽嘅合照，佢話：「媽咪我愛你。」但重點係，Coffee同佢媽媽係好似樣，餅印一樣，當然睇得出年齡有分別，但五官，尤其鼻同嘴，真係好似。

阿Sa蔡卓妍噚日亦有同媽媽一齊食飯，原來阿Sa嘅童顏，係遺傳媽咪!Sa媽個樣極後生，拍埋個女話係姊妹都仲得，而且五官，甚至個包包面都係幾乎一模一樣，註顏有術，真係羨慕死人。