【本報訊】特許加盟商認為7-Eleven「食水深」，成立協會抗爭，但獲選為協會主席的加盟商隨即不獲7-Eleven續約，加盟商不滿受到打壓，「我做咗7-Eleven十幾年，佢哋一直都話我經營做好，突然間唔畀我做，令我損失慘重。」7-Eleven回應指對方不獲續約與其協會主席身份無關，只因雙方經營理念有分歧。

批評7仔食水深

約40名7-Eleven加盟商昨到7-Eleven所屬牛奶公司樓下請願，拉起「7仔創業成惡夢」橫額，並將請願信交7-Eleven行政總裁卓添猷。特許加盟商協會主席馬明誠批評，7-Eleven「食水深」，不但來貨費高昂，「佢哋乜都收得貴，喺舖頭加個散熱器都收成千蚊，個散熱器值幾百蚊咋。」最低工資實施後，7-Eleven又沿用舊方法拆賬，「我哋人工開支多咗，但仍然要畀番咁多錢7仔。」
立法會議員李卓人說，逾百特許加盟商剛於本月成立特許加盟商協會，新任主席馬明誠位於荃灣的7-Eleven經營權不獲續約，馬明誠揚言會繼續抗爭。