現年57歲永寧村村民鍾先生任職公務員逾35年，6年前遷入永寧村，窮畢生積蓄興建美輪美奐的木屋作退休安樂窩，未料特首以摸底取代諮詢，只在非原居民村收地建屋，與港英年代有規有矩的做法相反。
上周三橫洲村民去政府總部抗議，傳媒報道一位村民是「退休公務員」鍾先生，事實上鍾先生仍未退休，背負公務員身份上街令同事大吃一驚，「之後俾人指住笑『你上電視啊？』佢就算笑我都冇辦法，我一定要出嚟（抗議），出咗嚟未必有效，唔出嚟就俾佢撳住好似綿羊咁」。

批高官視村民如微塵

鍾先生自18歲起擔任公務員基層職位，他不願透露職位和部門，強調只是維護自身權益，「𠵱家係我住屋事，關公司乜事？我又唔係出嚟偷嘢，又唔係做犯法事」。他指6年前因永寧村環境吸引，自己評估當地屬綠化地帶，改劃用途本很困難，於是遷入並建造一棟兩層精緻木屋自住，屋前更種滿花草。
未料今屆政府捨橫洲棕地改在綠化地帶興建公屋，過程僅與鄉事私下摸底決定，鍾先生很憤怒，「所有政府部門都唔跟程序，跟佢自己話事人喜好去做」。他指官員連日前言不對後語，醜態盡出，「4個字『不知所謂』，只能夠咁形容」。他慨嘆港府做事手法在港英年代不會出現，強行收地日後或成常態，「你睇到衙前圍村、菜園村、馬屎埔村，唔當你人，當你豬狗咁抬出嚟」。村民在高官眼中猶如撒哈拉沙漠裏的微塵，「（高官）踩落嚟佢唔感覺踩到我，你話佢理唔理我感受？」
鍾先生強調會抗爭到底，底線是不會涉及暴力，「我冇理由淋火水燒自己，呢班畜生官員唔會理你死活」。他對前景悲觀，但心中有氣，「起碼第日我落到地下對得住父母，呢單嘢我曾經出過聲，我對得住自己」。