潘頓在剛戰夜賽執咗四W，食鋪大四喜，目前榜上成績以121比116領先莫雷拉有5場頭馬優勢，頓成焦點人物。周二（14日）早上，約5點半便露面嘅潘頓不禁喜形於色，四萬咁嘅口笑面迎人。

話雖如此，當潘頓坐上馬背操練時，甫即收拾心情，重投備戰狀態，第一匹為葉廐「霸勝」往大跑道快跳考驗，繼而替「得賞」出試，稍後則替「神火金剛」單跳，馬不停蹄課馬。

其後約7點後，再摸一課米高鄭匹「如沐春風」，往草地快試考驗，課罷仲好認真向倉主講解馬匹進度，態度認真。

呢位當紅炸子雞，為爭冠軍鬥志如虹，實值得多加留意。