聖誕普天同慶，專程由加拿大返港過節的謝婷婷前晚以超薄低胸裝與父母謝賢和狄波拉到Dragon-i出席派對。拉姑表示霆鋒因要工作，所以只由婷婷陪伴赴會。

前晚平安夜，楊其龍旗下的Dragon-i舉行派對迎聖誕，蒙嘉慧、韓君婷、陳加玲、名模AnaR.和Rosemary等紛紛到場狂歡。十二時過後，謝賢、狄波拉及女兒謝婷婷才趕到，雖然天氣轉冷，但謝婷婷一襲紅黑低胸性感裝赴會，可見她十分抵冷。

剛與霆鋒食晚飯
狄波拉說：「啱啱同霆鋒食完飯，佢之後有嘢做，所以唔嚟。」問拉姑可有收到霆鋒的聖誕禮物？她說：「佢日日都送好多嘢畀我，就係笑容同愛心囉！你哋唔好嚇親我個女，唔係下次佢唔敢返嚟香港㗎喇！」此時，Dragon-i老闆楊其龍親自出門迎接，更與婷婷擁抱及錫面。謝賢則表示婷婷回港就是他最好禮物。

江欣燕借花敬佛
此外，江欣燕與江欣慈兩姊妹前晚九時前已到場歎聖誕大餐，之後一起到教堂參加彌撒，江欣燕說：「因為爹哋都係聖誕期間生日，我哋同佢食飯慶祝，我早輪抽獎，抽到日本旅行機票連酒店套票，準備送畀佢做禮物，如果唔買屋、買車，都可以包埋佢旅行使費！」而江欣慈則送上按摩器給父親作生日禮物。
採訪：JessicaNgan
攝影：ChenWaiOn