【積奇挑機】五班馬唞一唞復出 撞正弱旅機不可失
蘋果日報 2019/12/20 20:00
積奇五班馬帝豪寶駒積奇挑機唞一唞復出
帝豪寶駒（中）前仗在潘頓胯下屈居亞軍
周末（21日）沙田編跑十場全草地賽事，並以A加3跑道進行角逐。
聖誕前的賽事，尤其跑禮拜六好易出冷，今次有不少自購新馬或自購馬初次登場，形勢好混亂，火雞馬真係唔易捉。
第一場五班1600米，「帝豪寶駒」季內連場出擊，已有穩定演出，今仗唞一唞復出，回配潘頓跑首本路程，對手平平無奇，係本身出頭的大好機會。
「利之喜」勝在夠機動，可爭一席。「生生勝勝」上仗輸縮程，不可作準。
「萬里威揚」上仗重現追勢，畢竟全組馬唯一贏過同程，有分頭可作配。