寇鴻萍近日同老公及兩個乖女唐貝詩及唐貝欣，去咗日本北海道滑雪，大前晚及前晚寇鴻萍都喺微博狂貼同囡囡滑雪相，寇鴻萍當時留言：「開始第一天在日本北海道的滑雪旅程。」見佢哋三母女擺晒甫士影相，認真開心。

不過今晚唐貝詩就喺微博貼咗張媽咪坐住輪椅相片，原來佢媽咪滑雪其間不慎受傷，不過照片中嘅寇鴻萍，依然笑口噬噬，兼舉起V字手勢，似乎傷勢都唔算太嚴重，點都好啦，小心為上，祝早日康復。