【日久生情】Eddie秘娶41歲保險女 疫後宴親友
註冊彭懷安ivy鄭佩儀
藝人彭懷安(Eddie)於1999年以組合EO2出道,後來組合解散,Eddie曾跌入谷底患情緒病,演藝事業一直浮浮沉沉,入行以來,以他與前港姐朱慧敏相戀7年的感情事較為人知,曾談婚論嫁卻因男方被爆有出軌之嫌而分手,復合分開十幾次,Eddie與朱慧敏分手後,專心打理冰室,今日有報道指Eddie終於找到人生的另一半,決定與41歲圈外女友鄭佩儀(Ivy)拉埋天窗。
據知Eddie與Ivy前年在好友葉文輝(啤梨)的婚宴上認識,後來成為朋友,漸漸日久生情,從事保險業的Ivy,亦跟Eddie的家人相處融洽,令Eddie願意為女友封盤,上周三跟女友Ivy入紙註冊,計劃成家立室望早日生B,報道又指由於武漢肺炎疫情影響,他們會先低調註冊,等疫情過後才考慮會否擺酒,他又衷心祝福舊愛朱慧敏能夠幸福快樂。
Eddie入紙和圈外女友註冊結婚,他接受《蘋果》電話訪問表示:「女友喺葉文輝婚禮上識,佢係啤梨太太嘅姐妹,同女友拍咗1年拖左右,佢係做financial planner,喺大家未拍拖前,從來冇諗過要拍拖,亦冇諗過拍拖嘅對象係對方,大家單身嘅時間過得好開心。」
問到拍拖1年即閃婚,Eddie說:「呢個重點要講,絕對唔係奉子成婚,雖然好鍾意小朋友,有冇計劃生?有諗過,但計劃邊個時候生就冇諗過,因為時勢問題,但大家都鍾意小朋友。結婚就一定結,但未知幾時,唔想大肆鋪張,加上疫情關係,所以冇諗住。」Eddie指最鍾意女友夠爽直,亦不介意他以前的情史:「佢同我屋企人、朋友容易相處,亦冇介意我之前嘅嘢,如果介意就一齊唔到,婚紗相影咗,遲啲公諸同好一齊分享。」
情史花碌碌的Eddie,曾被舊愛朱慧敏痛斥謊話連篇,問到結婚有冇通知朱慧敏?兩人有否聯絡?他說:「結婚嘅事都係屋企人同最close朋友知,冇話畀任何一位聽,都係隨緣知。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
Eddie與Ivy在啤梨做「紅娘」下,認識並日久生情。(IG圖片)
Eddie去年11月跟準彭太Ivy到鳳凰山遠足。(IG圖片)
前年Eddie為Ivy整蛋糕慶祝生日。(IG圖片)
Eddie日前入紙與女友登記註冊。(攝影:羅慧敏)