華仔前晚個唱共換了七個造型，包括電磁俠、大隻佬、小丑男及紳士天使服等，除了夠華麗之外，其實每套衫都有很多細節位值得留意。負責華仔服飾的電影美術指導余家安，曾為F4和周慧敏復出演唱會設計服裝，他與StephineWong今次共同設計華仔演唱會的服飾。
華仔開騷的閃電服十分搶眼，余家安昨日在紅館接受本報訪問時說：「全套衫都係金屬先可以過到電，係咁多套衫最貴嘅一套，做嘅時候不斷要同美國負責呢個電擊部份嘅技術人員聯絡，畀指示我哋，確保華仔安全。佢未着之前，要俾人試咗件衫先。」

天使翼考功夫

其中最花功夫是背部有天使翼的一套，Stephine說：「為咗配合首歌，同埋華仔想有對翼喺衫，但如果對翼整得太大對，華仔變得好似丘比特，整得唔好又會似孭住兩隻拖鞋，所以改咗好多次。」
余家安最難忘是華仔和黃蕊跳舞穿着的服飾，因概念來自《天若有情III之烽火佳人》，那是他與華仔的首次合作，片中華仔飾演軍人，與窮家女發展愛情故事。
華仔扮牛郎及另一套金色絲絨衫，用上等布材造成，余家安說：「牛郎套衫比喺內地登台嗰套多咗繡花，好多布喺泰國嘅古董店買；金色絲絨嗰套我喺平時啲名牌最鍾意入布嘅地方買，絲絨嘅質地最薄最slim。」
採訪、攝影：胡比