由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上月28號首播，今日播出第6集，港迷稍後可於「黃Viu煲劇平台」同步追睇。

今晚劇情承接上一集講到平凡青年金振赫(朴寶劍飾)向首爾市長嘅女兒車秀賢(宋慧喬飾)再次表明真心，喬妹含淚表示：「讓我哋喺曖昧中再次見面吧。」同時朴寶劍為喬妹戴上手套，之後再用單車車喬妹走，兩人十分甜蜜，喬妹不時偷笑。朴寶劍帶喬妹去買蛋糕，話慶祝佢哋曖昧男同曖昧女嘅第一天，朴寶劍問喬妹點解唔用佢送嘅唇膏，因為唇膏係適合春天用，對於二人來講就已經係春天。

喬妹終於搽上朴寶劍送嘅唇膏，而朴寶劍又再次約會喬妹，喬妹見到朴寶劍嘅短訊，即時冧爆甜笑。而喬妹媽媽嚟到辦公室搵喬妹，叫佢唔好受年青人迷惑，亦唔會被女兒阻止佢成為權貴嘅妻子，要喬妹做有價值嘅子女。

朴寶劍知道喬妹悶悶不樂，即傳短訊冧喬妹，叫佢好好加油。而喬妹偷偷買領呔打算畀朴寶劍，更被前夫見到佢買禮物。喬妹去到茶館搵朴寶劍，兩人去散步，朴寶劍體貼為喬妹戴上頸巾，怕佢會凍親，喬妹更主動蹺住朴寶劍，最後朴寶劍更索性拖實喬妹散步，非常浪漫。

喬妹前奶奶同前夫去到酒店出席活動，朴寶劍為喬妹打氣，喬妹見到朴寶劍冇戴自己嘅領呔，事關朴寶劍唔識打領呔，喬妹更無懼被同事見到，親自為朴寶劍打領呔，令朴寶劍開心到偷笑，而呢幕打領呔場面亦被前夫目睹。

前奶奶搵朴寶劍傾，見到朴寶劍咁年輕就質疑喬妹係唔係感到寂寞了嗎，前奶奶問朴寶劍係唔係想喺喬妹身上得到甚麼，又指朴寶劍貪圖唔屬於自己嘅東西。朴寶劍好友安慰佢，朴寶劍話自己第一次聽到這麼難得嘅話，但喬妹卻成日聽到，關心喬妹到底點樣克服過來。喬妹喺記者會上被記者追問有關緋聞嘅事，朴寶劍被指為跟蹤狂，喬妹不甘朴寶劍被屈，於是喺記者會上直認同朴寶劍係曖昧嘅關係。

相關新聞連結：
【第1集】 古巴浪漫初遇 喬妹夕陽下挨實朴寶劍
https://bit.ly/2QsFt9I

【第2集】喬妹重遇朴寶劍 兩人甜蜜食拉麵登熱搜
https://bit.ly/2EbSyi1

【第3集】朴寶劍漏夜飛車見喬妹 深情表白： 想見你所以才過來
https://bit.ly/2AXpjvj

【第4集】朴寶劍冧送生日禮物 當眾約會喬妹食拉麵
https://bit.ly/2BaWrj6

【第5集】終於接受朴寶劍？ 喬妹：讓我哋喺曖昧中再見面
https://bit.ly/2zTBSba

精選韓流，喺晒《娛果》
http://fb.com/appledailyent