【積奇主場】韋達新兵試閘搶鏡 田泰安攬實當寶
蘋果日報 2019/12/14 21:39
超能力積奇積奇主場
超能力（前）連贏兩課泥閘
周日（15日）沙田編跑十場，兩泥八草，用C+3跑道角逐，大賽過後，報名馬實力會較次，而今次有不少PPG或自購馬初次登場，實力狀態確實較為參差，令局勢更加不明朗。
第三場四班1200米泥地，「超能力」來自韋達馬房的PPG，在八月中展開操練，月尾開始做快工夫，十月中安排試大閘，總共試了四次，不論草地或泥地，都展現好走勢。
此駒埋門兩個1200米泥閘都贏，既有速度可守好位，騎落有追勁，最近一次造1.09.52快時間，認真犀利。
今次雖然抽十檔起步，其實比較排內檔更安心，田泰安一手打理，騎練落足心機撚好，可以一出即勝。
「理想回報」狀態無走樣，跑番泥地更有把握。「上捕先鋒」保持好進度，時廐近期這類質新分子，陸續有交代。
「好友無敵」剛戰得殿軍，復課快跳比前墜手，可提升名次。