已來到不只是年終，更是整個年代、10年代嘅結尾，實在係難以置信！近年我專注睇香港Startup生態圈，唔使講，發展好快之餘，對上一年發生咗唔少事情。

年頭嗰陣，香港人頗熟悉嘅Lalamove，獲得了高瓴資本D1輪、紅杉本中國D2輪嘅資金，總數籌集3億美元，香港Startup嚟講算係好大數目。過多一兩個月，今年最大單一融資出現咗，由當時仲係好威嘅軟銀Vision Fund、領投KLOOK嘅2.25億美元D+輪，有咗呢筆錢，佢哋話要拓展日本市場。

今年Q1香港初創生態圈係好「生猛」，形勢大好，點會估得到，過咗冇幾耐會爆發咁大嘅抗爭運動？喺當時，香港其中一家最早期嘅獨角獸Tink Labs，宣佈要架構重組，要裁減一大批IT員工。雖然佢哋主業係酒店旅遊相關，但呢次轉型醞釀已久，同抗爭運動並無直接關係，但確實，算係為此後一輪本地獨角獸嘅負面消息開了頭，屬香港獨角獸嘅「第一滴血」。

過不久「第二滴血」出現：TNG在馬拉因股東爭拗，當地新聞揭露其1.15億美元融資見財化水，若屬實則等於獨角獸地位不保。其後另一知名初創Ztore，又因創辦人個人政治立場釀危機，引起了消費者的集體罷買杯葛，生意一落千丈。

到最近，有「世界估值最高人工智能初創」之稱SenseTime，卻因美中貿戰香港成了磨心，遭美國商務部列入黑名單，縱使公司其後表明，年內營收年增上看逾兩倍，處身重度依賴美國晶片科技的人工智能產業，公司的前途無論如何也蒙上了一襲陰影。

除此以外，香港Startups難道就再沒有好消息了嗎？也不是，李嘉誠看好合成生物機遇，人人皆知，其今年損5億科大成立生物學研究院，算是一件好事。

此外，由本地Startup第一代創業者李景輝二度創業的Nex Team，其產品Homecourt獲NBA戰略合作及投資，亦屬今年香港初創生態圈的一大美事。更重要是，李景輝作為土生土長兼就讀港大的香港人，以我所知，他雖然大部分時間人在美國，卻時刻心繫香港，加上能在國際舞台發光發熱，可謂真正傳承了香港意志，縱使估值未達獨角獸級數，卻最值得真香港人支持。

尹思哲

investMAN
For People of Style & Substance
掌握理財智慧 感受生活品味
http://investMAN.hk