剛周日（3日）沙田開鑼戰，冠軍騎師雷神莫雷拉狂奪五Win，上屆亞軍騎師潘頓則未開齋。

不過今晚（6日）谷草賽事，潘頓手握重兵，有力來個大反擊。潘頓對第六場三班1200米的「理想回報」及第七場三班一哩「綽綽有餘」甚為睇好。

沈集成馬房的「理想回報」上季最後一仗初配潘頓，於同程1200米後上得第三，距頭馬102倍的不明物體「勤德兼備」只短馬頭位，今戰原庄人馬再出擊，潘頓說：「『理想回報』上季尾漸見好走勢，馬兒今季成熟壯健了不少，牠全熟後應可向更長途程進發，暫時跑1200米最合，排五檔有利，可望打開勝門。」

至於方嘉柏馬房的「綽綽有餘」今場升班而戰，潘頓表示是個考驗，希望牠應付得來，潘頓補充「綽綽有餘」日前試閘走勢理想，狀態已冒起，不排除可贏跨季孖寶。