【新增動新聞】
政府下月1日收緊領取長者綜援申請資格，將申請門檻由60歲提升至65歲，有關改動成為立法會「要求政府檢討綜援」無約束力動議辯論的焦點。38位議員昨發言後，勞工及福利局局長羅致光今早答辯時未有理會眾多力促擱置的聲音，企硬表明無意改變有關安排，更續撐其「60歲中年論」，亦就「勞損」及「勞動」再發表偉論。最終原議案和5個修正案，包括要求政府擱置收緊申請長者綜援門檻，在分組點票下全數獲通過，羅致光會後未有回應傳媒提問，只與力促政府擱置建議的工聯會黃國健「同行」離開。

羅致光今早在會上強調，改動目的不是節省公共開支，而是因為港人壽命不斷延長，退休年齡已提升至65歲，政府希望領取綜援的健全人士繼續透過工作貢獻社會，「令到身體健全嘅60至64歲嘅人士更能夠喺職場上搵到較高嘅收入，改善生活」。他澄清有關改動不會影響正在領取長者綜援的人士。

羅致光日前指「長者定義遲早都要改，當大家都120歲，60歲嘅人係啱啱中年」，言論激起反彈。但羅不以為然，今日再在演辭中指，1971年政府推出綜援計劃時，本港男性的平均預期壽命是68歲，女性是75歲，今日兩者分別上升至82歲及88歲，到2066年，男性的平均壽命會升至87歲，女性會升至93歲。他更引述前議員言論反駁：「20年前喺立法會，前議員周梁淑怡見到新聞，有個50歲嘅婦女遇上交通意外，報紙報道話，有個半百老婦畀貨車撞倒，周議員話『以後過馬路要小心，如果唔係好容易畀人叫老婦』，今時今日，大家有冇見到呢啲『半百老翁、老婦』嘅描述？甚至仲有冇人講『人生七十古來稀』？」

對於有議員認為，僱主不想聘用容易勞損的長者，令60至64歲的人士不能輕易找到工作，羅致光特別回應指，重複不適當的動作才會導致勞損，「並不等於勞動嘅人係有勞損，反之有好多勞動嘅人，身體嘅年齡係會比一個缺少勞動嘅人更加年輕，所以唔一定勞動嘅階層佢嘅勞損程度（就）高，當然有好多工作上因為工業安全意識不足，導致產生好多勞損問題」。

相關新聞： 【收緊長者綜援】「60歲中年論」變萬能key 議員狂轟羅致光「站在雞蛋另一邊」