當年今日
關於我們

【海洋公園慶生】李蘊25歲生日超蓮捧蛋糕甩碌

蘋果日報 2016/07/28 06:00

蘋果香港生日海洋公園李蘊超蓮即時G.E.M.

啱啱生完得意囡囡小紫晞嘅李蘊,噚日就25歲正日生日,做咗全職媽咪嘅佢,趁生日,終於可以free一free,約埋囡囡嘅契媽超蓮同G.E.M.一齊慶祝。

原來超蓮同G.E.M.一早準備定行程俾壽星女,就係同李蘊一齊入海洋公園玩機動遊戲,仲安排咗李蘊同海獅影吓相。

生日就梗係要食蛋糕,食完飯,超蓮就行開準備定蛋糕俾壽星女,不過期間就出現唔少蝦碌,除咗超蓮唔覺意「幫」李蘊吹蠟燭,最搞笑係佢邊行,個蛋糕邊傾斜,幾乎塌落嚟,好彩超蓮最後都兜得住。雖然食飽飯,不過3姊妹依然食咗半個蛋糕先夠皮!