父親節快樂｜球星爸爸越老越型 碧咸C朗基奧特費托你揀邊個？
蘋果日報 2021/06/20 01:00
父親節碧咸基斯坦奴朗拿度C朗基奧特費蘭度托利斯父親節快樂
禮拜日就係父親節，當年嘅球壇美男子都升晒呢做爸爸多年，成為一家之主照顧家庭。隨住歲月洗禮，呢班爸爸多咗啲「佬味」但更加有型，好似係「萬人迷」碧咸、基斯坦奴朗拿度（C朗）、基奧特同「王子」費蘭度托利斯，唔知道大家又覺得邊位球星爸爸最型呢？
家陣喺美職國際邁亞密做班主嘅碧咸，已經由昔日嘅靚仔變咗靚佬，不過做咗爸爸多年嘅佢滄桑咗留晒鬚，反而仲有型，四個囝囡包括大仔Brooklyn、二仔Romeo、三弟Cruz同妹妹「哈七」，都遺傳到良好基因。男人有時候真係唔使花巧，好似碧咸咁經常以一身西裝示人，加埋乾淨企理嘅儀容，其實已經好charm。球壇另一位型爸梗係C朗啦，呢位祖雲達斯球星36歲依然好大隻，仲肯為班細路一改花fit嘅性格，踏踏實實做愛妻號照顧女友佐真娜同四個小朋友，係好爸爸一名。
講起型爸，又點可以數漏車路士球星基奧特，佢家陣已經係四位孩子嘅父親，但一頭all back髮型襯埋留鬚真係幾型，大把女士都對佢心心眼。仲有一位就係近期變身肌肉男嘅「王子」費托，作為三位細路嘅老竇，佢仍然靚仔到連男fans都冧到，非常利害，網上有討論話全盛時期效力利物浦嘅佢，留金髮造型嗰陣係最靚仔。
-----------------------------
想財富增值 就真係要眉精眼企
想財富增值就梗係要樣樣計到盡，即使係借貸時嘅回贈，都要攞盡最大着數！喺2021年4月1日至2021年6月30日期間首次提取貸款，可即場獲獎賞現金高達港幣$5,000▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
-----------------------------
蘋果初心不變！26周年「撐蘋果Tee」預售：
-----------------------------
《體蘋果》陪你睇波講波