本月10日大台舉行一年一度的《萬千星輝頒獎典禮》，當中劇集《反黑路人甲》及《踩過界II》今日舉行感謝活動，多位演員包括王浩信、蔡思貝、朱敏瀚等均有出席。

朱敏瀚今年在大台頒獎禮獲「飛躍進步男藝員」，問到當日心情，朱敏瀚表示：「攞獎當日個電話已經爆咗，都有逐一回覆多謝佢哋，好多謝大家嘅支持同埋愛。」至於女朋友華姐冠軍余思霆（Stitch）可有表示？朱敏瀚說：「當日個show未完我哋都有聯絡，大家有send訊息同視像去分享份喜悅。」

有指Stitch在台灣夜店與自台灣的星夢歌手劉子碩大跳火辣貼身舞 ，碧波盪漾。今日朱敏瀚向傳媒拍心口表示對女友信心十足：「其實佢去邊都會同我講，我都了解過。我哋（關係）都穩定嘅，好多謝大家對我哋嘅關心。」會否叫她下次別這樣？「佢知道㗎喇（冇嗌交？）冇！冇嘢嘅。」

至於女朋友幾時返 香港 ，朱敏瀚稱：「佢畀唔到個確實日期，因為之前話可能返嚟拍嘢，但而家佢喺嗰邊有綜藝工作，所以都未有確實時間，唯有每日視像住先。」

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！