【賣玩具】45萬盡賣Hot Toys珍藏 全未拆過不散賣

蘋果日報 2019/06/11 00:03

Hot Toys玩具脫坑
    網上不時都有人賣玩具珍藏，當中更不乏「脫坑」、「賣仔」等posts，不過相信大部份都唔夠近日出post嘅呢位師兄厲害。呢位師兄（名就唔講喇，有興趣自己追下posts）近日在「玩具自由買賣所（Hong Kong）」出post，開價45萬，盡賣Marvel、Star Wars、DC等Hot Toys人偶珍藏，總數270隻。據師兄講，全部收藏「只儲、從未Display過、有啡盒、貼紙、包裝未拆過，忍痛割愛，不散賣。」，係唔係忍痛、割唔割愛就真係唔知，反而引來唔少關注同留言就幾好睇。好似有人就話呢位師兄嚴格嚟講都唔係儲，只係買玩具；亦有人表示對後市有信心，話擺多幾年隨時變「一球」；更有人天真話賣到夠上車（而家香港45萬想上車真係有啲難，不過《逃犯條例》通過，商人同外國撤資，外國正式當香港係大陸一部份，冇晒自由優勢，香港玩完，45萬上車就真係不是夢。）。當然啦，最多人都係問有冇得散買，而記者就梗係最想知最終有冇人會用45萬全數接手呢，都係留個名先！
    記者：韓繼聰
    編輯：鄒仲安
    -----------------------------
    放眼世界 ● 籽想旅行
    一Click睇盡旅遊資訊！
    -----------------------------
    【新聞有價】6月17日起 繼續撐蘋果
    http://bit.ly/2IJ24ZR
    empty
    有位師兄近日在「玩具自由買賣所（Hong Kong）」出post，開價45萬，盡賣Marvel、Star Wars、DC等Hot Toys人偶珍藏，總數270隻。
    empty
    據師兄講，全部收藏「只儲、從未Display過、有啡盒、貼紙、包裝未拆過，忍痛割愛，不散賣。」
    empty
    有人表示對後市有信心，話擺多幾年隨時變「一球」。
    empty
    師兄做晒列表，話忍痛割愛，但就有人話嚴格嚟講都唔係儲，只係買玩具。