今次（21日）快活谷夜馬仍編跑八場，用C欄轉C加3彎跑道角逐，排檔形勢相當重要，能前置或守好位馬匹，可優先考慮。

一些特擅在快活谷出擊之馬房，例如沈集成、呂健威、姚本輝及羅富全，今次都擺出強陣，其中前兩廐可優先留意。而莫雷拉剛戰連場熱倒，反而潘頓近期演出好穩定。

第四場四班1200米：「薪勇」今季跑過三仗，初出在同程，後追只輸兩個多馬位，最近兩仗跑田草1200米，都後追跑第四及五名。

這匹質新馬表現已漸入佳境，一直用開賴維銘，今仗加強配搭用潘頓，3月6日過檔第一課，即安排試1000米大閘，起步順利全程按住跟跑，表現好乖巧，末段從容加速追近。大閘後潘頓再親試兩課，顯然高度重視。

文廐今季倚重潘頓爭成績，「艮志騰雲」取得連捷，大家合作愉快，「薪勇」季內用得少，體力會佔優。環顧今場對手，有些跑得密，有些進度欠佳或路程非所長，在各有不足下，此駒已夠爭，可以一博。

「金碧輝煌」連拼不疲，體重有下跌，其實是返回贏馬時水平，莫雷拉肯騎，排2檔形勢大好，是坐位望贏之選。「巴基小子」終返快活谷1200米，復課唔瘦快跳暢順，用沈拿較陌生，但以馬論馬當然夠爭。

「魅力之子」恨贏馬如常積極，拍跳好硬淨，但跑法嫌被動，要靠追恐怕一位已足。「八太子」剛戰加眼罩幫不了，始終落腳慢，排大外檔（12檔）更難。「確威龍」身靚快跳暢順，是大冷腳。