舒淇、導演馬楚成及寰亞高層莊澄等,前晚在尖沙嘴出席電影《韓城攻略》煞科宴,雖然主角梁朝偉因病缺席,獨力撐場的舒淇仍狂讚偉仔,反而一提男友黎明即支吾以對。
在港開聖誕派對
舒淇認為拍得最辛苦的是偉仔與任賢齊,她說:「偉仔好專業,佢俾人踢親心口唔會出聲,到導演話cut至出聲。」舒淇透露會在港開聖誕派對,並已購備禮物送給公司同事,問她會否送禮給黎明,舒淇竟說:「吓?我送畀公司同事咋喎,佢都唔係公司同事。」
此外,黎明昨日到港台接受《娛樂滿天星》訪問,一直視黎明為偶像的主持陳淑蘭要求對方在他的新碟上簽名,二人亦有合照。問黎明何時結婚,他說:「我暫時唔會考慮,我咁答即係叫你唔好問,不過我唔否定將來會結婚,但係唔知幾時。」黎明又透露在北京曾被婆婆催婚。
採訪:何永寧、李珮洳
攝影:陳志嵐、李珮洳