韓國年度電影盛事「第39屆青龍電影獎」今日喺慶熙大學舉行，頒發完一眾新人獎及幕後獎項後，到頒獎禮第二部份環節就準備頒發各大獎項。

第二部份一開始先由Super Junior嘅利特出場，並指要頒發特別獎，只見台上就播出金英光同朴寶英喺片中咀嘴嘅場面，兩人更對住鏡頭大擺心心甫士。之後播出朱智勛喺《暗數殺人》中抓狂嘅樣子，令朱智勛尷尬笑。同時又播出韓智敏、金東旭等人嘅片段。

到頒發最佳男配角，已故金柱赫再憑《毒戰寒流》撼贏朱智勛、金東旭、劉海鎮及Steven Yeun奪獎，喺《毒戰寒流》中飾演金柱赫妻子嘅陳瑞妍忍不住在台下拭淚。到最佳女配角獎，年僅18歲嘅金香起憑《與神同行》撼贏權素賢、金善英、李珠英、陳瑞妍等前輩奪獎，金香起上台領獎時已忍唔住爆喊，金香起話：「由拍攝第一集開始，學到好多。多謝河正宇哥哥、朱智勛哥哥、導演及工作人員。」而今次係金香起首次奪女配。

精選韓流，喺晒《娛果》
http://fb.com/appledailyent

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票