支聯會今日發起遊行，與約30人遊行到中聯辦，要求中共平反六四以及釋放因在內地悼念六四而被捕的人士，遊行人士高喊口號，高呼「悼念六四無罪」，他們將請願信貼在中聯辦門外，手持祭酒的支聯會秘書李卓人指，香港人要珍惜可以悼念六四的空間和自由：「在中國連祭支酒，喺六四有個光明行，行幾步都係禁止，即刻拉，而香港係有空間，我們希望香港人珍惜呢個空間，喺我哋有呢個空間嘅時候，為成個中國同埋香港一齊發出良知嘅呼喚。」

各大學學生會缺席悼念六四集會，支聯會秘書李卓人指，明白大學生有其思潮，但希望他們明白，與六四切割等同與公義切割：「我明白佢哋想透過呢個切割，喺身份認同方面，來突出香港人身份，我希望佢哋明白，我哋唔應該同一個平反六四、追究屠城、結束專政、追求公義、追求民主嘅平台切割，因為切割咗，你係切割公義，你係切割咗香港人嘅普世價值，我明白大家要有思考和沉甸嘅時間，但我哋支聯會會堅持落去。」

李卓人指，任何運動都有起有跌，最重要是堅持，他又指，不會估計六四集會的出席人數，形容每一支燭光也是重要。

在遊行中高呼「結束一黨專政」、被指是九龍西補選、民主派Plan B人選的李卓人指，不會因為任何紅線、喊任何口號不能參選，而改變自己的立場：「中國共產黨嘅紅線冇得估，我哋亦都不應該估，我哋要擁抱我哋嘅價值，我不會因為任何紅線而改變我們立場，我哋一定會會繼續堅持。」