由星皓電影投資，鄭保瑞執導，郭富城、羅仲謙、梁詠琪同大陸演員趙麗穎、馮紹峰同小沈陽主演嘅《西遊記女兒國》，預計下年大年初一上映，今日演員嘅造型終極曝光，率先曝光嘅就係以大陸劇《花千骨》爆紅嘅大陸花旦趙麗穎。

今次趙麗穎喺電影入面，將會有10多個造型同服飾，電影公司首發嘅「傾城傾國」版海報，負責打造造型同服飾嘅就係余家安、利碧君，佢哋都係金像獎大師級人馬；而趙麗穎佩戴嘅黃金頭冠同其他鑚石珠寶飾品，就係由周大福珠寶特別訂身設計，總值超過500萬人民幣(約港幣570萬)！所以拍攝時，都需要有保安人員在場。

另外，雖然《西遊記女兒國》要到下年二月先上映，但竟破天荒喺正式公映前九個月，已鎖定咗IMAX版本，呢個現象喺大陸市場嚟講係史無前例，即使係荷李活，都極為罕見！