【去完韓國做練習生】范冰冰胞弟轉look回大陸 準備出道?
范冰冰范丞丞
36歲大陸女星范冰冰一向好注重皮膚保養,原來佢個細佬范丞丞一樣好高顏值,最近有大陸報道指,范丞丞去完韓國做練習生,已靜靜回大陸,準備參加偶像選秀節目,睇范丞丞個樣似足「偽泡菜」,行韓流look,雖然戴上口罩,不過隔住個罩,露出單眼皮細眼,魅力十足,幾有星味。
有報道稱范丞丞身高約190公分,絕對係model底子,有大陸網民竟然話范丞丞「蠻像朴寶劍」,亦有網民拎番范丞丞以前啲舊相出嚟比對,發現「落差蠻大的」。唔通仔大十八變!
范丞丞同家姐范冰冰雖然相差19歲,范丞丞係2000年出世,不過姊弟感情幾好,家姐范冰冰應該都會鼓勵細佬喺娛圈中發展。