保良局主席蔡李蕙莉、 保良局副主席何超鳳 、鄧鉅明夫婦、甄子丹和太太汪詩詩、張敬軒等昨晚在灣仔出席保良局週年慈善舞會。

張敬軒和地產商合和關係密切，跟合和董事總經理胡文新（Thomas）份屬好友，日前有份參加該公司晚宴，軒仔的西餐廳亦開在灣仔合和旗下的胡忠大厦。近日合和忙於搞私有化，他表示小生意沒有受私有化影響，和Thomas十幾年朋友，一直獲得合和支持。軒仔有意再發展飲食業，將老廣州早餐布拉腸粉、狀元及第粥、荔灣艇仔粥等平民美食引入香港，但未知會否和胡文新合作。

近日軒仔準備馬來西亞演唱會，不過流程中軒仔反串演繹「降兩度」的安排，受當地宗教影響要取消，軒仔說：「有啲馬來西亞粉絲已經睇咗，各處鄉村各處例，冇辦法啦，去澳門時再搬返出嚟，改咗呢一part要專登做過兩套衫，都有大改動，而家減緊肥， 一個農曆年肥咗六七磅，早幾日拎咗兩件西裝去放鬆，都係蘿蔔糕惹的禍。」

子丹和詩詩夫婦帶同子女，一家四口現身，子丹透露即將開拍陳木勝執導的警匪片，經游說後終可留港拍攝，多點拇間陪伴家人。戲中子丹大多為動作場面，已開始操練體能，他說：「警匪時裝電影，個個想睇番我《殺破狼》嗰種打法。」有「宇宙最強」之稱的子丹，過往經常赤膊上陣，被問到今次會否一如以往騷肌時，他說：「睇夠唔夠火喉，吸唔吸引人啦，好惹火再決定。」身旁太太表示沒所謂，子丹則風騷說：「好嘢要同人分享一下。」

子丹在新年期間品嚐好多美食，又頻頻有家庭聚餐，所以有點幸福肥，現時目標是重拾幾年前拍《3X反恐暴族》時狀態，坦言：「年紀大咗，要操就更加辛苦，到時大家問我老婆就知，佢話Sexy就可以公開。」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb