【短片】【捲大台權鬥被退休】志雲讚曾醒明願支撐大局:冇咗曾生係TVB好大嘅損失
蘋果索女王喜陳志雲香港李慧玲即時三點式娛樂塞班島陳少平ViuTV喜樂無窮梁皓婷段隆臻朱婉禎李敏嘉羅苑姍鍾佩麗蔡佩賢
無綫企業傳訊部宣傳科副總監曾醒明噚日宣佈退休,據知係因為佢「唔覺意」得罪高層,某高層想炒佢好耐,由於曾生已經過咗退休年齡,不過佢每年都同大台續約,而今次退休,有指唔係佢本意,只係有人趁曾生未諗定續唔續約,即先下手為強,要求唔好同曾生續約,變相曾生「被退休」(新聞連結: http://bit.ly/28MTCJK )
曾醒明亦被視為陳志雲黨羽(新聞連結: http://bit.ly/28LAe0M ),志雲今日撐老友王喜開拍沙灘game騷嘅casting,講到無綫人事變動。
志雲直言有收到曾醒明離職嘅消息,噚日都喺facebook留咗言,佢續言:「曾生係一個有親和力,做事冇托手踭,每次有重大問題,佢都唔會匿埋,即使冇人願意出嚟支撐大局,佢都願出嚟撐大局,唔係每個人都會係咁,我敢寫包單,你哋(記者)每一個都會唔捨得佢,我做電視行業時,曾生已經係老行專,好願意教我哋嘢,o依家喺呢個紛亂嘅傳媒生態裡面,冇咗曾生,係一個TVB好大嘅損失,不過每間公司都有自己嘅決策,我身不在其位,唔知佢哋嘅想法,亦不便評論,我總之覺得好可惜。」
問到余詠珊、杜之克、樂易玲、曾勵珍及譚錫揚等TVB有成現任6、7位高層,志雲就話:「當係一種進步,我嘅年代最多得三位,可能o依家業務廣泛咗,其實咩職位係唔重要,以前我出嚟做工作時,年少氣盛得罪咗上司嘅秘書,結果冇啖好食囉,所以職銜有幾高就唔太重要,有人管實權就更加多,升多啲人就個個開心快樂,升唔到都唔使唔開心。」
TVB今次升職名單,包括:
擢升為副總經理
杜之克:節目及製作(原職:助理總經理)
陳樹鴻:法律及國際業務(原職:助理總經理)
擢升為助理總經理
袁志偉:新聞及資訊(原職:新聞部總監)
曾勵珍:戲劇製作(原職:戲劇製作總監)
樂易玲:藝員管理及發展(原職:無綫製作資源部總監)
余詠珊:非戲劇製作(原職:非戲劇製作總監)
謝偉光:人力及製作資源(原職:人事部總監)
譚錫揚:企業事務(原職:企業傳訊部總監)