當年今日
關於我們

【唔怕高追】劉愷威楊冪半億買豪宅劉丹笑晒:用嚟自住

蘋果日報 2015/05/28 06:00

蘋果整容豪宅西半山楊冪劉愷威劉丹即時半億

o依家基本上長駐內地嘅劉愷威,身價今時唔同往日,仲娶埋內地小花旦楊冪,更要努力搵錢,近日西半山老牌豪宅寶城大廈,早前錄2座高層單位,以逾半億成交,原來買家係劉愷威及楊冪,單位實用面積2,410方呎,建築面積2,835方呎,登記成交5,980萬元,兩人聯名買入,呎價2.48萬元,無論成交價及呎價均創屋苑新高。

阿仔事業有成,仲買2千呎豪宅,老竇劉丹真係飲得杯落,今日佢回覆本報阿仔買樓事仲笑唔停話:「哈哈哈,你哋點知㗎?」問佢擔唔擔心高位接貨?佢話:「冇所謂,自住。」劉丹表示會同個仔以及新抱一齊住,平日就可以弄孫為樂,問到係咪老懷安慰?佢話:「我哋都搬埋入去住,佢哋都辛苦嘅。」幾時裝修?丹爺話:「未有咁快。」