【本報訊】泛民向訪港的人大委員長張德江要求換特首，並指當時在場的梁振英「手都震埋」。但梁振英接受無綫新聞訪問時暗示告狀對他無影響（圖），泛民對他的批評中央早已知道，張德江「完全冇任何驚訝嘅反應」。被問到他上任4年來政府與人民關係變好還是變差時，他邀功稱已解決了最大矛盾「地產霸權」問題。
梁振英接受無綫專訪，由昨日起一連3天播出。對於被泛民及建制議員向張德江告狀，梁反擊稱：「泛民講嘅說話，無論係講我、講中聯辦、講中央嘅事，委員長同中央其他領導人完全事先知道，委員長其實完全冇任何驚訝嘅反應。」他又指同場有區議會主席向張表揚他的地區工作，而泛民的批評「冇具體嘅嘢」，流於政治化。

否認施政作風激化矛盾

梁振英否認自己的施政作風激化社會矛盾，至於他上任4年來政府與人民關係變好還是變差，他表示：「4年前、我哋上任之前社會上好關心地產霸權，認為係社會重大矛盾，因政府唔敢去碰地產界利益，過去4年我哋用堅強意志做出成績，樓價年輕人仍負擔唔起，但市民睇到政府有決心，今日再冇人講地產霸權。」至於普選特首的承諾落空，他歸咎佔中令問題膠着。他多次邀請反對派食飯聯絡感情，卻被杯葛。
主持重提去年世界盃外圍賽期間，他避答支持香港隊還是中國隊一事。梁振英辯稱：「我當然會支持香港隊，不過嗰個問題嘅問法，就係話你只有一個選擇，只有一個選擇，問題係冇得答。」主持追問指賽事確只有一隊可勝出。他稱：「將一次足球比賽政治化，對立起嚟，一定要你喺兩者之間選一個，我覺得係完全不必要。」
有份見張德江的工黨何秀蘭反駁指：「泛民要講乜，佢亦一早知，點解當時咁緊張？」她認為梁振英現時十分虛怯，「佢接受訪問，唔係同香港人講，而係要向北京交代」。她又指無人再提地產霸權，是因為苛政猛於虎，梁振英在市民心目中，比地產霸權更可怕。
■記者麥志榮