【唔係未睇過呀？】經典角色逐個數 陶大宇演蟹仔被掟落街
蘋果日報 2017/06/19 00:02
陶大宇大時代青出於藍刑事偵緝檔案
陶大宇演過嘅劇集，單以大台作品嚟數，已經超過50套，仲未計佢外闖同電影作品，當中有唔少係劇集系列作，長演長有，亦有唔少角色係深入民心，就算到o依家都仲嗌得出個角色名。
《大時代》丁益蟹
喺神劇《大時代》中，大宇飾演丁蟹（鄭少秋飾）次子丁益蟹，唔單止係黑幫頭目，而且自以為為家報仇，陷害方展博（劉青雲飾），然後又強姦博之妹方敏（楊羚飾），後來更因為全家負巨債，被老竇掟落街。壞事做盡，唯一可取嘅只有佢孝順。
喺神劇《大時代》中，大宇飾演丁蟹（鄭少秋飾）次子丁益蟹，唔單止係黑幫頭目，而且自以為為家報仇，陷害方展博（劉青雲飾），然後又強姦博之妹方敏（楊羚飾），後來更因為全家負巨債，被老竇掟落街。壞事做盡，唯一可取嘅只有佢孝順。
《刑事偵緝檔案》張大勇
《刑事》系列共有4輯，頭3輯都有大宇份，同郭可盈擔正主演（第4輯故事與前3輯無關）。雖然只係警匪故事，但張大勇喺劇中嘅神勇、對高婕（郭可盈飾）嘅情深，以及同下屬兼好友李忠義（梁榮忠飾）之間嘅兄弟情，都獲觀眾勁buy。
《刑事》系列共有4輯，頭3輯都有大宇份，同郭可盈擔正主演（第4輯故事與前3輯無關）。雖然只係警匪故事，但張大勇喺劇中嘅神勇、對高婕（郭可盈飾）嘅情深，以及同下屬兼好友李忠義（梁榮忠飾）之間嘅兄弟情，都獲觀眾勁buy。
《壹號皇庭》江承宇
喺《壹號皇庭》系列中，大宇飾演師爺江承宇，印象中佢主力同一班飾演律師嘅歐陽震華、蘇永康等人飲酒夜蒲，不過都有做嘢嘅時候，佢演師爺好到位，唔會搶咗戲，但又唔會唔記得佢有演過。
喺《壹號皇庭》系列中，大宇飾演師爺江承宇，印象中佢主力同一班飾演律師嘅歐陽震華、蘇永康等人飲酒夜蒲，不過都有做嘢嘅時候，佢演師爺好到位，唔會搶咗戲，但又唔會唔記得佢有演過。
《青出於藍》曾政良
呢套係大宇闊別大台多年嘅回巢之作，佢再孖老拍檔歐陽震華同郭可盈合演，喺劇中為人師表，教數學兼任籃球隊教練，喺劇中先後同楊思琦及郭可盈有感情發展。佢做熱血教師比較少見，加上係回巢作，自己多話題。
呢套係大宇闊別大台多年嘅回巢之作，佢再孖老拍檔歐陽震華同郭可盈合演，喺劇中為人師表，教數學兼任籃球隊教練，喺劇中先後同楊思琦及郭可盈有感情發展。佢做熱血教師比較少見，加上係回巢作，自己多話題。
《大時代》呢幕咁經典，應該唔會唔記得。
大宇演丁益蟹，個角色勁衰，但好孝順。
《刑事偵緝檔案》嘅張大勇（陶大宇飾，左）一演就演咗3輯。
喺《刑事偵緝檔案》中大宇同郭可盈呢條感情線，曾經係好多觀眾關心嘅…
（《刑事偵緝檔案II》劇照）
大宇喺《壹號皇庭》中演師爺，妹妹由劉美娟飾演，（劇照）
（《壹號皇庭》劇照）
（《青出於藍》劇照）