年輕人不畏強權，無懼胡椒噴霧、催淚彈、橡膠子彈及布袋彈，站在最前線反對惡法。有參與6月12日抗爭的學生，亦有參加今日遊行，面對隨時被捕風險，他們無法上鏡，對前景亦不樂觀，但指「冇用都要做」，不會被嚇怕。

鄧同學是大專生，在6月12日早上9時，已與7、8位朋友到達金鐘，希望阻止立法會開會通過修例，「唔想畀機會佢開會」。他指，當時前方已有足夠示威人士，他們轉而站在中前方作支援，亦已做好衝突準備，「衝擊梗係有諗過，但唔會想發生啦」。他稱，有心理準備警方會使用胡椒噴霧及催淚彈，「但冇諗過會開槍」。

他指，雙方未有衝突，警方下午已施放催淚彈，「嗰種程度佢係唔可以使用咁嘅武力㗎嘛」，及後警方更開槍，「嗰時真係諗過會中流彈」。他稱，因將資源全部給予前方，中前方打後的市民裝備有限，「基本上我哋得遮、口罩、毛巾、手套咋嘛，連頭盔都冇，屋企有可以保護自己嘅嘢就帶出嚟，已經係佢哋所謂嘅殺傷力武器」。

在6月9日遊行過、6月12日衝擊過，只換來林鄭的暫緩修訂，他無奈說，「佢唔聽我哋都吹佢唔脹」，只能靠國際壓力迫林鄭就範，自己亦會盡力，有必要會再抗爭，「出得嚟幫手就幫手，行動升級？我哋冇得再升級喇喎」。他亦提到周六在太古廣場墮下身亡的男子，「佢比我哋更加付出」。若惡法通過，「唔知可以做啲咩，現在我哋咁樣講嘢都驚人偷聽，條例過咗會點？」

剛考完DSE的鍾同學，當日留守添馬公園物資站，原以為不在前線會較為安全，仍然受到催淚彈攻擊，「以為唔會打到嚟物資站」。他批評警方無視人群有否衝擊，無差別胡亂向群眾施放催淚彈，當時物資站附近群眾爭相走避，「我走時差啲俾人拉低，好混亂」。

他亦直斥警方濫用警權，「我哋大部份人都係和平，都冇咩暴力情況，就掉咗百幾粒催淚彈，又開槍」。他自言有諗過會有衝突及催淚彈，「但開槍真係冇諗過，走嗰時好多人好驚喺度喊，我冇喊」。他說不會因此被嚇怕，仍然會參與遊行集會，包括包圍立法會，「冇用都要做」，亦在思考要否加強行動。

昔日新聞：電視辯論互叫熄咪 曾：你係撕裂2.0 林鄭：會順應民意辭職

相關新聞：【不斷更新】全港大中小學學界聯署「反送中」

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.16反惡法遊行

日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會
（資料來源：民陣）

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多