松岡李那今日到影視娛樂博覽宣傳，佢喺台上以英文表示：「拍《作家的謊言》時會全廣東話對白，背稿真的好困難，因為發音真的好難。」

其後松岡受訪時改以廣東話對答，佢話：「o依家都搵緊老師學廣東話，好容易就發錯音，唔知點解講廣東話時好似講粗口咁，講嗰緊好多人笑我。拍呢套戲時學好多廣東話，現場劇組所有人都講廣東話，就易學好多。」

問到同佢傳緋聞嘅太陽娛樂老闆周焯華（洗米華）有冇教佢廣東話？松岡一聽到周焯華個名就「嘩」咗一聲，然後話：「冇囉，（但華哥啲廣東話好叻喎…） 係咩？自己都係想學好廣東話。」

之後松岡透露自己個角色好性感，要勾引張建聲，兩人有床戲同接吻戲，床戲要着性感內衣上陣，佢透露今晚會拍，心情有啲緊張。

精選娛聞，喺晒《娛果》
http://fb.com/appledailyent