韓國「國民妹妹」IU近日都幾頻撲，不時四圍飛，好似上周五佢先飛咗去南京，當日佢就着住件白色T恤同白色恤衫，仲因為太大風關係，搞到頭髮亂了。而今日佢又出動，出發去內地重慶見粉絲。

今日IU就冇着白恤衫，反而就穿上一身紅色暗間連身短裙，佢繼續喺機場勁撥頭髮，不過大家嘅焦點就落喺IU嘅一雙美腿上，事關佢一雙美腿又白又幼，遠睇仲白到反光一樣，但粉絲睇到就好心痛，覺得IU太瘦，認真弱不禁風，好似好易就被風吹走一樣，粉絲都話希望IU注重身體，唔好咁頻撲。