【金手指】冇協議 冇牛市(孫柏文)
習近平孫柏文特朗普
首先,孫柏文今日想強調今日條題話「冇協議、冇牛市」,唔等於中美貿戰冇協議,個市唔會升。只不過我相信好多人,包括大戶大鱷,喺未有協議內容前,唔敢大力盲炒上。
講真,上周不斷傳出大陸企業相繼炒人。仲要唔似以前,係啲低科技嘢,而係啲高科技,互聯網公司都話裁員。即係如果我係美帝,仲唔襯你病,攞你命嘅時機?
咁如果真係有協議,即係大陸接受一份有機會係令經濟系統翻天覆地嘅協議。如果係咁,有啲咩會被反枱呢?
之前我多次講過大陸嘅鋁業,特別係宏橋(1378)。市場就話會影響啲車股等。不過,如果係「明治維新」嗰隻,會唔會Amazon 入去打阿里,FB 隻揪騰訊(700)。唔好講邊個贏,凈係又要燒錢咁點?恒指到時會乜樣?
仲要市場而家都仲係信大陸買多啲大豆、飛機,就擺得平。一但有超預期嘅變化,你啲資金企咩位?
有得升不過唔係牛市。即係你揀嘅股票,一定要流通性高。一但音樂停止,你都走得甩,搵到位坐。
最後,今日見到數據,話大陸只改革開放後,勞動人口第一次喺2018年按年下跌。而人口數據話(除非大量移民湧入大陸),勞動人口喺未來亦會不斷下跌。
即係點解?日本勞動人口喺1990年見頂。之後點?你唔知走去問吓長輩以前日本有幾威。
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money!
http://bit.ly/2ICO2Mb