第六場四班1200米，一對熱門「美麗掌聲」與「龍鳳情祥」於653場串Q，前駒以46秒3偏快步速自領，頂到尾贏馬，算是頗出色頭馬，相對後駒沿途死跟，力拼下唔算有威脅，不能說太出色，卻仍勝在穩定。

同場還有「遨遊之星」，也屬季內曾贏四班同程之馬，但上仗表現顯然水準確略不及。再數到前仗同程入Q的「高耀智星」，跑贏其後補中的「閃耀榮光」，拍落「美麗掌聲」與「龍鳳情祥」去比，相差不大！

灰馬仔「高耀智星」上次唔捨得好位，刻意跟前，搵唔到遮擋，沿途二疊望空，最慘是遇到46秒2快步速，不幸中伏。搏開未贏，苗禮德一定唔罷休，繼續向其施壓，喜見此駒頂得住。

不論埋門拍「銀紙」後追勢頭，到剛周一（5月27日）草地兩段快開表現，感覺仍夠硬淨！今次抽十檔，期望促使會疊埋心水，留住衝一段，換杜美爾，也換來分頭，仍可博會有好際遇。

---------------------------
【六四30】守住歷史 拒絕遺忘
https://hk.adai.ly/zdzKtt2RiW