呢排BurgerKing好似鹹魚翻生；另一間M記MosBurger又成日排長龍。受住兩間快餐的夾擊，作為漢堡包快餐一哥的麥當勞又點會坐以待斃？於是推出至尊漢堡迎戰，搵埋Eason做代言人。至尊漢堡推出之後反應極佳，原定只推出一個月，現在就繼續供應。實地做調查，睇吓街坊食評係點？

記者：梁學文　攝影：譚盈傑

新鮮蔬菜加西冷　勁讚！

麥記至尊漢堡份量跟巨無霸差唔多，但用料就較講究，漢堡扒用西冷做，再改以生菜片代替生菜絲。實地做個小調查，訪問了50人，超過八成人都話至尊漢堡的確比其他漢堡好。有差唔多一半人就話個包唔夠熱。但整體來說，Eason今次無介紹錯！

實地訪問50人
牛肉

讚
Frances

「It'sbetterthanBigMac,thebeefisreallygood.」

何太

「Juicy好多，肉味夠，以後唔食BigMac咯。」

彈
Yan

「塊扒唔多夠汁，有啲失望。」

平

「無錯塊牛肉好食啲，不過凍得滯，唔夠汁，有啲亁亁哋。」

蔬菜

讚
余太

「有菜真係健康好多，而且啲菜夠新鮮。」

婷

「本身鍾意食BigMac，但有呢個包就梗係食呢個，鍾意生菜夠Fresh。」

Bubble

「啲番茄夠新鮮，入口真係好清甜，仲好多汁，正！」

醬汁

讚
Steven

「肉汁同醬汁好夾，我好鍾意個醬汁！整體好好味，可惜個包唔多夠熱。」

彈
Burgun

「Idon'tlikethesauce,notmatchwiththebeef.」

Ryan

「Thesauceisnotgood，BigMacisbetter.」

芝士

彈
Ricky

「芝士唔多夠，咁大個包應該有兩塊芝士，味道至夠，唔掂！」

Jessie

「芝士味多過牛肉味，唔OK！」

至尊漢堡牛肉Vs普通牛肉

比較方法：幫普通牛肉（用作其他牛肉漢堡的牛肉）同至尊牛肉，度高、磅重。
結果：至尊牛肉的確是大塊啲又夠厚，比一般的牛肉重一倍，及厚一倍，足3oz的西冷牛肉果然名不虛傳。

至尊漢堡牛肉

普通牛肉

牛肉小測試

方法：將兩款牛肉給食客試，試吓分唔分得出邊款係至尊漢堡。
結果：人人分得出。至尊漢堡的牛肉夠厚夠肉味，口感較好。肉汁亦比一般牛肉多，味道更濃郁。

澋

「至尊啲牛肉Juicy啲，我分得出！」

蛋

「至尊肉質較鬆，好得多。一般嘅太亁喇。」

悅

「塊肉夠Juicy，比一般嘅肉多汁，好得。」

街坊意見：熱啲會更好

八成人都讚，但至尊漢堡也非零缺點，要保持蔬菜新鮮，所以生菜番茄都Keep住放在雪櫃中。製作時，就間接影響了漢堡的溫度，會唔夠熱。小記曾到過10間唔同區的麥記買至尊漢堡，發現只有兩間夠熱。如果個包夠熱，芝士會溶，一打開包裝紙，牛肉味夾雜醬汁的味道四溢，感覺完全唔同。