社民連梁國雄在人民力量陳志全、香港眾志羅冠聰，以及無政黨朱凱廸和劉小麗支持下，宣佈參選特首，引起民主派陣營及支持者爭議。有民主派選委指，他對有人支持長毛選特首不覺意外，事實上在選委會選舉後，縱使西環力挺林鄭月娥，仍有部份民主派選委「唔想提名曾俊華、甚至連胡官都唔提名」，而長毛參選正好為他們提供一個理由，「無論長毛最後選唔選，佢哋有藉口不作提名同投白票」。

「當日參選無諗支持曾」

該民主派笑言，當日為求阻梁振英連任，民主派找人參選選委時，「只要認同ABC，其他政治立場有分歧都好，大家肯放埋一邊先」，原本參選時，不同界別民主派選委承諾不投白票，但選委隨住梁不連任，林鄭成西環全力支持人選，民意反過來支持曾俊華，甚至要求民主派選委挺曾，部份選委會開始不想提名曾或胡官，想不作提名及投白票，「有班選委同民間團體、社運組織、傘兵行得比較近，當日參選諗住反梁，冇諗過今日要佢哋提名曾俊華同胡官，對佢哋嚟講，政治立場同原則，重要過係咪要打林鄭」。
所以長毛參選就可為他們找下台階，「長毛選，就畀提名長毛；長毛唔選，亦大條道理因民主派代表被打壓冇得選，所以唔提名」，事實上若這班民主派選委堅持不提名，曾俊華固然受影響，胡官更連入閘也有危機，「呢班（唔想提名）選委，初步估有成百票，𠵱家曾俊華、胡官入閘都要靠民主派，但肯提名佢兩個嘅民主派選委，可能得250票左右，咁邊夠票保晒兩個入閘？」所以有民主派選委直言，若太多民主派選委堅持原則先行，「咁林鄭要多謝佢哋，第日上選舉論壇，隨時唔使畀胡官挑機」。

季陶
周一、三、五刊出