共享空間（Co-working space）喺香港已經流行咗好幾年，但講到專屬某個行業嘅共享空間，似乎未係市場主流。香港珠寶製造業廠商會為咗吸引更多年輕人入行，投資八位數喺紅磡創立屬於珠寶業界集合之地「香港珠寶工坊」（J-HUB）。

商會主席杜源寧話，由購入物業、設計到裝修，花咗約3年時間，投資額約7,000至8,000萬，希望工坊成為業界可持續發展中心。場地設置多用途空間，租予業內人士舉辦珠寶相關課程、搞展覽，會議室可以做直播，租予獨立設計師sell自己嘅產品。場內有近10張功夫枱租畀欠缺專用工作間嘅獨立設計師同學生；又有常駐師父提供珠寶維修同造貨服務；下年年中會提供埋珠寶鑑定服務，行內行外人都適用。

本身係珠寶設計師，有份參與工坊管理嘅Sarita Wong話，工藝傳承固然緊要，但都要平衝傳承同盈利，所得收入會再重新投入工坊。目前工坊一次性入會費分公司、個人、學生會籍，收費由4000蚊至100蚊不等。另以租用一張功夫枱為例，一日通行證學生會員200蚊、個人會員400蚊。

類似嘅珠寶業界共享空間，早年周大福(1929)喺中環PMQ都搞咗個創藝廊LOUPE。愈來愈多KOL搞自家首飾系列或品牌，香港設計香港製造，華華覺得有得搞！

-----------------------------

專家開講「經營網店秘技」

助你數碼轉型 靈活處理現金流

立即參加【生意做盡全世界】營商FAN享會

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！