恒地（012）主席李兆基（四叔）雖未言休，但第三代已蠢蠢欲動，在商界展拳腳。外孫女李敬恩（Kristine）尚在領略外公營商招式，其中一招「把握時機」已略有所成，看準需求，將離地藝術商業化，垂直式畫廊大廈取代傳統寫字樓，在講求數字的家族企業內，博得不少掌聲。
李敬恩今年29歲，由四叔長女李佩雯所生，現時為租務部助理總經理。加入恒地數年，首個作品是座落於中環皇后大道中的垂直式畫廊大廈H Queen's。她當初開展計劃原來不易，「公公、舅父非常願意嘗試，又夠新又夠型，如果回報好就更好」，連同事本身亦有懷疑，直至H Queen's落成後，才發覺藝術文化有市場，「現時已經另眼相看，係好嘅推動力」。
當初李敬恩推算H Queen's只要數間畫廊就足夠，結果總共有8間畫廊承租，包括國際級藍籌畫廊David Zwirner，平均呎租近100元，對於當時既要符合公司搵銀方向，又想推廣藝術的她，尤其激動。

外公金句琅琅上口

李敬恩並非讀藝術，但讀書時經常閒逛博物館，對當代藝術興趣濃厚，「在世嘅藝術，你可以睇住佢每年作品嘅演變，一路有故事，有文化亦有歷史。」問到四叔明不明白藝術，李敬恩一時語塞，「我諗，用數字（外公）會明白少少……」四叔始終是生意人，不過外孫女首個項目成功，四叔感到滿意，「佢好鼓勵新idea，都覺得好玩」。
四叔營商招數結集成書，家族及公司人人傳閱，李敬恩對外公金句琅琅上口，雖然哲學味濃，亦有付諸實行，「佢最鍾意講就係把握啱嘅時機，其實呢個project時機幾好」，她又說：「（外公）成日講speech都係四両撥千斤，呢個都係慢慢學緊；另外仲有聚財要識散財，呢個係慈善嗰邊，仲未儲夠錢做呢樣嘢。」