當年今日
關於我們

隔牆有耳:《爽報》加派「中午版」 - 李八方

蘋果日報 2011/09/28 00:00


日日有話題嘅《爽報》又有料到,雖然僅誕生個幾星期,不過喺肥佬黎催谷下,十分之快高長大,聽日又有新搞作。
據講好多人朝早返工時攞唔到《爽報》,為免令向隅者不爽,《爽報》聽日起會加派「中午版」,中午食飯時間喺主要商業區派發。
朝早攞唔到《爽報》嘅讀者,中午時可以補番數,食晏時爽吓。
政府派6,000蚊,市民遲幾個月攞,有多200蚊「獎勵」,「中午」版《爽報》都有嘢益讀者,就係會改版加料,加入凌晨至上午發生嘅重要新聞最新消息,總之早攞早享受,晏少少攞,新聞都唔會變舊。