隔牆有耳:若望保祿二世聖髑抵港 - 李八方

蘋果日報 2011/12/25 00:00


已故教宗若望保祿二世離世六年,訪華心願未圓,香港教區8月向教廷申請,梵蒂岡上月將載有若望保祿二世十二根頭髮嘅聖髑運嚟香港,開放俾香港信徒瞻仰。聖髑喺半山聖母無原罪主教座堂展出,會長留香港,算係完咗若望保祿二世來華嘅心願。原來香港仲係亞洲唯一有聖髑嘅地方,真係榮幸。
八方仲聽聞,遲啲已故德蘭修女嘅聖髑都會喺九龍同新界展出。聖髑出自拉丁語reliquiae,係指天主教重要人物嘅遺體、物品等變為細小紀念物,供人憑弔。