當年今日
關於我們

【忠粉繼續追擊心穎】被盜用舊相開假戶口 工藤佑采嬲爆:名都打錯

蘋果日報 2018/09/10 11:20

港姐黃心穎黑面女皇假戶口工藤佑采

人紅自然是非多…連假賬戶都多咗。
講緊嘅係啱啱落選港姐嘅「黑面女」工藤佑采,港姐決賽當日,工藤佑采要同其他落選港姐一齊慘做佈景版攝時間跳舞而黑面,之後又向大台開火,話唔當落選港姐係人,又鬧港姐前輩黃心穎為咗博見報而詆毀佢。工藤佑采曝光率同風頭成功蓋過出爐三甲,可能係咁,開始有人假冒佢喇。
工藤佑采今日凌晨約2點,喺Ig度貼圖,指有個叫「PoonPoon3_3」嘅人假扮佢,除咗偷咗一張上年2月工藤佑采自拍嘅相做頭像,仲改埋名叫「工滕佑采」,自稱做「女皇」嘅工藤佑采,仲發現咗多個錯處,就係抄都抄錯名:「發現到一個開咗好耐嘅WeChat賬戶朋友名單裏有人假冒本人、盜取本人照片、盜取姓名!(其實佢都打錯女皇個名)」佢又嘗試聯絡呢個PoonPoon3_3,指控對方盜用佢嘅資料,但就被拒收信息,工藤佑采呼籲朋友如果見到奇怪戶口,記得打俾佢直接通知佢。有網民留言安慰工藤佑采,話紅到好似劉德華或者郭富城咁,先會有人開假戶口扮真人,不過工藤佑采都擔心,會有朋友信咗個假戶口而借咗錢俾騙子。
不過咁…其實早幾日喺ig已經有一個工藤佑采假戶口,不停咁繼續追擊黃心穎,連日嚟黃心穎喺ig貼嘅度假泳衣相,都見到呢個ig假戶口留言挑釁,工藤佑采又知唔知有人借緊佢個名搞事呢?
精選娛聞,喺晒《娛果》
http://fb.com/appledailyent
empty
empty
呢張係17年2月嘅相。 (工藤佑采ig圖片)
empty
有人就拎咗張相假冒工藤佑采。 (工藤佑采ig圖片)
empty
工藤佑采嘗試聯絡對方,但一直都係拒絕接收狀態。 (工藤佑采ig圖片)
empty
至於同工藤佑采有口角嘅黃心穎繼續係放假mode。(黃心穎ig圖片)
empty
日前有正面泳衣相,好罕見。(黃心穎ig圖片)
empty
但呢啲相入面,就搵到個hater追擊黃心穎。(ig截圖)
empty
而呢個ig,亦都係用咗工藤佑采嘅黑面相同相似嘅名。(ig截圖)