「邊個係人，邊個係鬼，我睇得出。」電視劇《溏心風暴》中，大契的金句對白深入民心，但現實職場卻是另一回事。「初出茅廬」的女網友croissant近日在香港討論區抱怨稱，「啱傾」的同事近半年來「走吓一個，走吓又一個」，最近由離職同事提點，才發現原來身邊有支「老細針」篤背脊，她感歎「防人之心不可無，原來係真㗎！」

版主croissant稱：「啱啱阿A走咗第二日，公司出咗通告，宣布邊個走咗，但隔籬嗰張通告就係阿B升職，之後連續接到兩個舊同事嘅電話都叫我小心。小心啲咩呀？跟住先知道，原來同事B一直都係老細條針，有幾個同事都已經中咗招。太黑暗啦，我以為衰人係有樣睇啦，平時阿B都好幫人，又關心你𠵱樣嗰樣，但原來……」網友skyliner也有感而發，「出嚟做嘢要小心呀，真係唔知邊個係人，邊個係鬼㗎！」

「佢人工加咗兩次」

「佢搞走晒啲同事定係點？」有網友緊張追問，版主回應說：「佢應該冇直接搞走嘅，不過肯定佢喺背後爆咗好多嘢畀老細知囉，佢年頭至5月，人工加咗兩次，老細一定好睇佢。」sarah說：「有啲衰同事，你不犯佢，佢都要整你，諗住篤了背脊就等如立了功。」
積奇玫瑰語重心長地說：「做嘢做到咁，你都冇晒心機啦，雖然呢啲小人間間公司都會有，但既然你唔係好識點對付呢啲人，又做得唔開心，都係走啦。所謂唔走唔知出面好，好過喺度玩政治遊戲吖。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：[email protected]