35歲前跳水皇后郭晶晶喺12年宣佈上岸，嫁入霍家做少奶奶。唔夠一年，晶晶一索得男，為霍家誕下第四代嫡孫霍中曦（Lawrence），今年4月尾再為霍家添咗一位小公主，成功湊夠一個「好」字。(相關新聞﹕ http://bit.ly/2pjRBMd )

專心坐月同湊小朋友嘅晶晶，休養一個半月後，噚日終於現身出席公開場合，喺北京出席品牌活動。晶晶穿上一條長袖衫襯及膝裙，腳踏3吋高踭鞋，見佢身形略為圓潤，明顯仲未收身，但精神就唔錯。見晶晶都有向在場傳媒揮手打招呼，而且面上常掛住笑容，睇嚟產後生活依然係咁幸福美滿。