黎明(Leon)入行30周年4D個唱，本來噚晚開鑼，不過基於食物環境衞生署發言人表示，主辦單位因為未能遵辦有關消防安全規定，故食環署唔可以發出臨時公眾娛樂場所牌照，令黎明嘅首場騷被取消。

黎明亦親身向歌迷道歉，黎明更拍片呼籲歌迷唔好鬧政府，指佢哋場地嘅布料係中國製造，未能符合英國標準(新聞連結： http://bit.ly/24nWccd )，可能佢平時爆得太多金句，大家都以為佢只係金句王，之但係面對過失，黎明肯一力承擔責任，獲得唔少網民稱讚!

黎明噚晚留咗喺開騷現場，身為音樂總監之一雷頌德就影咗一張台下嘅相，相中見身穿白衫嘅黎明，似乎同工作人員傾緊對策，雷頌德讚大家都好努力，黎明亦為咗佢嘅belovedfans好盡力希望解決問題。

胡定欣知道黎明個唱要取消，佢喺Instagram留言：「呢刻嘅心情……心痛，失落!」又打hashtag一句「願你今夜別離去」，身穿一件「MakeItHappen」嘅衫隔空鼓勵，，而吳若希就晒今晚睇騷嘅門票，寫道：「我撐㗎!#黎明」另外，陳小春亦喺微博向黎明講聲加油!