資訊科技界有選民聲稱被DQ， 原因係透過電機暨電子工程師學會（IEEE）登記為選民，但呢個會喺截止前，都冇回覆選舉事務處核實佢嘅會員身份喎。

由於廉署早前拘捕懷疑喺IT界「種票」嘅70多人，當中有來自IEEE，所以呢個DQ事件，旋即引來外界各種揣測，有人則話聽聞個會正處於權鬥，唔知係咪有人鬥氣之下，唔回覆選舉事務處，未必同嗰單畸士有關。

八方都問過資訊科技界立法會議員莫乃光，佢話了解緊事件，未知有幾多選民受影響，目前未有更多資料可以提供，但佢認為如果處方係抽樣核實選民資格，除咗要個會提供資料外，亦應向有關選民查詢，而唔係DQ咗先算。