有美好家庭的張晉最近事業不俗,他在王家衛執導的電影《一代宗師》中表現受讚賞。《一》片叫好叫座,內地票房直逼3億人民幣,香港票房也近2,000萬,前晚梁朝偉、張晉和袁和平等到尖沙嘴出席慶功宴。偉仔前日一口氣走三檔宣傳,他直言:「攰攰哋,有啲病」。對於下午與學生對談時,有學生要求他除黑超,但偉仔就像王家衛上身拒絕除超,他說:「係病病哋,殘殘哋,所以費事,之後入洗手間見OK就冇戴。」
《一》片票房報捷,偉仔也替王家衛高興:「希望佢有部戲收得,以前只有叫好不叫座,其實以前啲片喺海外唔使蝕,本土就未試過咁好成績,雖然我哋冇得分,但希望投資者賺錢。」偉仔自爆早前在北京小型放映會欣賞《一》片,但音響走音,令他睇到竧。