做法相當之簡單,戴教授話第一步係全港宣傳,大家搜集多啲建制陣營干預選舉嘅證據,公諸於世,喚起大家關注。然後就好似淨化維港咁樣淨化選舉,即係鼓勵多啲希望有潔淨選舉嘅人登記做選民同埋去投票。最後就呼籲國際社會派獨立監察員嚟香港,收阻嚇建制陣營之用。
其實戴教授嘅詳細計劃,經已原文喺《蘋果》出咗街,不過重要嘅事講三次。正如戴教授所講,呢個運動並唔係增加某啲人喺選舉中嘅勝算,而係還香港一個乾淨嘅選舉,所以只要個選舉乾淨,當選嘅係建制派,大家都會欣然接受。八方亦放長雙眼,睇吓建制陣營會唔會又鬧戴教授,事關咁都鬧就係此地無銀㗎喇。