韓國男團EXO成員伯賢雖然早前被爆跟同門師姐、女團少女時代成員泰妍分手,不過甩拖嘅伯賢似乎已經收拾好心情,同一班隊友去咗斐濟拍寫真,同時relax吓。今日,伯賢就狂於Instagram公開新相,睇得出佢玩得非常開心。
伯賢除咗公開自己興奮游泳嘅相之外,仲有佢當海星係髮夾嘅自拍照,仲有成員跟當地人打沙灘排球嘅短片,伯賢仲表示:「雖然語言唔同,但我哋係一體。」
至於泰妍呢,就一樣「冇仔有女陪」,噚日於Instagram公開一張食物相,仲擺出心心手勢,留言多謝師妹團RedVelvet嘅Wendy:「Wendy話要為我帶來的#好女仔#Wendy#會料理的女子#Wendy非常感謝你我愛你」