【追蹤港將】FIFA 18派貨 戴偉浚究竟咩樣?
英甲貝利FIFA 18戴偉浚追蹤港將
香港機迷終於玩到《FIFA 18》,今日派貨,之前都有報道過,呢隻game入面有今季升上貝利一隊嘅18歲港將戴偉浚,唔知大家係咪好好奇阿浚喺隻game個樣,同佢真人有幾似呢?家陣有得睇!
結果......好似塊面大咗少少喎,鼻又有啲大,髮型都似乎爭少少。老實講,阿浚個樣其實係韓仔眼細細嗰隻,但《FIFA 18》就模擬得冇咁傳神,唔知遲啲如果《FIFA 19》、《FIFA 20》再造阿浚個樣時,會唔會似啲呢?
FIFA一向有英甲版權,所有有份註冊嘅英甲球員,都會如實出現喺隻game度。早前已喺網上流出戴偉浚嘅能力值圖,佢喺《FIFA 18》嘅總能力值有54,位置係CDM,即係防中,當然同佢本身踢個位有啲出入;睇返啲能力細分,速度係佢數值中最勁一環,有72,傳球、盤扭同防守能力就50幾,體能得48,而射波最差,得32咁多。出道能力低啲唔緊要,喺career mode會有上升空間,話唔定T-sun係隻潛力股嚟,大家如果玩career mode做領隊,不如買佢返嚟試下,撐自己人啦!