當年今日

創業初哥淡市出招博一鋪

蘋果日報 2002/04/10 00:00


工字不出頭,尤其在大逆市下,打工仔更加處於被動,要裁員減薪,真的聲都無得聲,想創出事業的一片天?租金和人工都已經大幅下滑,看似是適合的時機,但相對地市民消費意欲亦低,要突圍而出又談何容易呢?其實,只要捉緊市場需要、顧客心理,以及有「橋」,淡市出擊絕對無有怕,可能重會有錢賺,看看以下幾位創業者的經驗,絕對值得參考。
記者:周麗懿
攝影:楊錦文
ImageGirl:Monique
個案1:
70萬開美容院靠外援獻「眉」
Agnes、Kitty和Louise三位曾在一間美國化妝品牌共事過,大家都認為現在租金便宜,是創業的好時機,於是就自立門戶創立「美智山」,實行自己當家作主,Agnes說:「我哋覺得𠵱家係一個好機會,經濟雖然唔好,不過租金平咗,風險亦都低咗。」當然最有利的條件,就是無論市況如何,為了靚靚,女人總會捨得使錢在扮靚之上,加上之前做了五年化妝,有不少熟客都過檔幫襯。雖然只是剛開業,Agnes和拍檔已經對這盤生意充滿信心。

投資錦囊
行業:美容化妝
投資額:約70萬
預計回本期:兩年
入行年資:5年,創業時間不足一個月
煞食招式:度身訂做修眉服務,日本仔教化妝
東洋貴價化妝班
除一般美容化妝服務之外,他們特別專注眉形的修飾,Agnes說:「眉形可以令你個樣好Soft、好惡、好有權威,修整過嘅眉毛,望落去重會精神啲㖭!日本人喺呢方面就特別注重。」所以他們就特別開設修眉服務,為客人重新修造眉形、保養,就好似髮型師設計和護理頭髮一樣。除了化妝修眉服務,化妝班和修眉班都是其發展的重點,本月中更專誠從日本請來三位專業化妝師開班授課,教授髮型和化妝的技巧,提高店舖的專業形象。雖然學費高達$7,500,不過Agnes表示反應方面都算不俗,可見這一行仍有一定的發展潛力。
個案2:
90萬搞髮型屋小舖經營大舖服務
當了15年髮型師,三年多前開始構思自立門戶,Kenneth說是因為香港的髮型屋有好多呃人的舖頭:「好多都唔明碼實價,明明話19蚊洗個頭,行出舖頭可以係50蚊嘅。」加上他喜歡去旅行,觀察過外地的行家,發現香港做髮型屋的空間其實好大,「香港做得好嗰啲一係就好貴,𠵱家我希望客人畀一個合理價錢,就可以享受到好好嘅服務。」Kenneth於是一擲九十萬出來大搞BE-LABO髮型屋生意,經過八個月的經營,尚未回本,皆因每當賺到錢,就會用來投資到買新的儀器,用在人客身上。

投資錦囊
行業:髮型屋
投資額:90萬
預計回本期:一年半
入行年資:15年髮型師,創業8個月
煞食招式:引進洗頭機、駁髮機、獨立電視、舒適露台
斥資十萬買洗頭機
所謂顧客享受,包括一部在高級Salon才有機會享用的洗頭機,價值十萬多元,雖然不是新產品,不過由於價錢昂貴,一般的小型髮型屋都未必夠膽購入;而店中的最新產品,就是一部駁髮機,Kenneth說:「比起以前嘅駁髮技術,呢部駁髮機嘅好處係時間快,容易清除,所用嘅膠亦唔係工業用嘅膠,絕對唔傷頭髮。」除了新儀器之外,Kenneth亦會將顧客的資料輸入電腦,例如上次做Colour(染髮)用了甚麼顏色,和客人傾談一下設計髮型等等,因此都保留到九成客人再回頭幫襯,Kenneth的成功之道就是:「專心啲,勤力啲,專業啲,唔欺騙顧客就會成功。」
個案3:
10萬做零售唔冷門唔做
從事酒店業二十年的程偉俊,在逆市中毅然告別打工仔生涯,原因都是覺得打工無保障、無安全感,他說:「做生意賺多賺少都係自己嘅。」所以在太太大力支持下,利用十萬元的資本當起老闆來。做開酒店中菜廳樓面的程先生,覺得飲食業的競爭好激烈,所以寧願做一些無人做、冷門一點的行業,「我係喺灣仔會展一個展覽會度見到呢啲木馬,覺得呢啲木馬好得意,於是就同廠商聯絡,佢哋獨家畀我賣,全香港都係得我呢度有得賣。」

投資錦囊
行業:零售
投資額:約10萬
預計回本期:一年內
入行年資:兩個月
煞食招式:賣冷門木馬仔




兼做代理批發
雖然選址在銅鑼灣人流不十分旺的蘋果商場,不過由於位處商場的地面入口,仍能吸引不少人駐足觀看,生意成績理想,第一個月無賺無蝕打個和,第二個月已經有錢賺,有了這一個好開始,他又密鑼緊鼓地籌備代理批發生意,「遲啲會做埋代理同批發,希望有多啲嘅銷售點,𠵱家我已經同一間大型百貨公司傾緊,今個月尾可能都已經開始有得賣。